Trajneri italian, Arrigo Sacchi, ka kritikuar ashpër klubin francez, Paris Saint-Germain, pas paraqitjës së dobët kundër Real Madridit.

Sacchi është një nga trajnerët më të mirë italian dhe është dy herë fitues i Ligës së Kampionëve.

Ai, ka thënë se idetë dhe filozofia e futbollit nuk mund të blihen me para.

“Real Madridi u përball me një kundërshtar shumë të dobët”.

“PSG është vetëm një grup lojtarësh. Fjala “lojë” mund të duket abstrakte, vështirë për t’u përshkruar, pro e ka bërë gjithë diferencën sonte (e martë)”.

“Idetë nuk mund të blihen… PSG-së i mungojnë aq shumë gjëra”, theksoi strategu italian.

Trajnerit Unai Emery i skadon kontrata në fund të sezonit dhe pas dështimit në Ligën e Kampionëve atij presioni i është rritur dukshëm. Sacchi ndërkaq, vlerëson lart trajnerin spanjoll.

“Emery është trajner shumë i mirë. Ai veq ka nevojë që klubi të jetë prapa tij dhe sidomos lojtarët të ndjekin idetë e tij”.

“Në Evropë, të duhet mentaliteti, por edhe loja. Loja është sikur rezultati i një muzike dhe i një skenari të një filmi”, përfundoi Sacchi. /arbresh.info/